Catinou est allée chez le coiffeur (3e partie)

PHRASIE. - Tè ! As aqui le Jacouti qu’arribo...

CATINOU. – Boudiou ! Qu’est-ce qu’il va dire, le mien Jacouti, quand ba me beze atal, transfourmado ?

JACOUTI. - Et adiou, Phrasie !... (se tournant vers Catinou qu’il ne reconnaît pas)... Bonjour, Madame... (à Phrasie) Qu’es aquelo fenno ?

CATINOU (suffoquée). - Et me recouneisses pas, bougre de grand empaillat ?... Es une hounto de se bandar atal, que recouneisses pas souloment la tio fenno !...

JACOUTI (éberlué). - A... A... Aco’s tu, Catinou ?

PHRASIE (moqueuse). - Hé bé, aro qu’abetz fait couneissenso, iou m’en bau, qu’ai le soupa sur le foc !

JACOUTI (encore sous le coup de l’étonnement). - Mè... Mè... Mès de que t’es arribat, pauroto ? Sios touto cambiado ! De qu’as fait ? Jèsus moun Diou ! Semblos une negresso !

CATINOU (vexée). - Uno négresso ? Et perque sibouplèt ?

JACOUTI (ironique). - As aqui, sul cap, un paquet de bourro, touto negro, espesso et frisado coumo de salado... tout à fèt coumo las negressos del Congo !

CATINOU (qui ne plaisante pas). - Et n’as bist soubent de negressos del Congo, bougre d’insoulent ? Torno dire so qu’as dit, s’as embejo que te coupe le margue del paroplèjo sur l’esquino !

JACOUTI. – Oh ! I soui habituat !... Sios toujoun presto à me sauta sur la coudeno ! Et se passo pas de semano que siosque pas oublijat de fa repara le paroplèjo ! Aco fa de despensos....

CATINOU. - Et qual n’es la causa, sibouplèt ?

JACOUTI. - Sabi... Sabi... es de ma fauto !... Mès me demandi per qu’un galant te sios faito frisa et poumpouna d’aquelo sorto ?

CATINOU. - Per qu’un galant ?... Sios inoucent !

JACOUTI (jaloux). - Me bas pas dire, tout de mèmo, qu’aco’s per iou que t’es faito arrenga le mour ?... Alabes abouo tout de suite que as un galant, et que bos i agrada per millour me fairé coucut !

CATINOU (les bras au ciel). - Jèsus Moun Diou Nostre Segne, que cal entendre ! Ai un ome qu’es fadorlo !

JACOUTI. - Nani soui pas fadorlo : i besi clar, voilà tout.

CATINOU. - Abetz aqui les omes ! Ah ! Poudetz fa de sacrificis per elis !... Mès, bougre d’aze, es per tu que me soui faito poulido ! Es à tu que boli agrada. Parce que me regardabos pas plus dempei qualque temps... que me fas pas jamai res... et que préfèros poutouneja la bouteillo...

JACOUTI. - Et aïe dounc ! Digo-me de soutisos ! Après parleras de m’agrada !

CATINOU. - Boudiou, que soui malurouso ame un utis pareil, que bol pas coumprene re !

JACOUTI. - Si fèt, coumpreni parfètoment que i a quicom aqui qu’es pas clar...

CATINOU. - Et de que i a qu’es pas clar ? Es pas bertat que t’ibrougnos cado joun et que fas pas mai attentioun à iou qu’à une bieillo sandalo ?

JACOUTI. - Mès, ma perlote, se bos que fasque attentioun à tu, as qu’à me dire simplement : "Jacouti, mon joli cœur mignon, beni me fa un poutou..." et iou t’aurio fait un poutou... amai dous !

CATINOU. – Atal ! Un poutou ?... Bougre de salop, que pudes de l’ale que farios estabani une mousco à quinze passes ! Hé bé, pla merci, te podes garda tas poutarassos !

JACOUTI. – Ah ! Bezes que ai razou ? Te sios faito frisa per un autre !... Un autre que diou estre parfumat et poumadat, et que sentis le patchouli !... Aro te cal de luxe !

CATINOU. -Ah ! Te méritarios pla d’abe de cornos, espèci de sac à binasso ! Que me fas bergougno ame aquel nas tout rouge, que quand sourtisses la neit as pas besoun de lanterno ! Te podes ana amaga, peillarot !

JACOUTI. - Aco’s pla so que disi !... Dempei que madamo es sourtido del saloun de coiffuro iou i fau bergougno... Belèu aqueste souèr m’embouyaras coucha à l’estaple, ame l’aze !

(Seguido la setmano que ven)